صباح السبت ( نوم )

السلام عليكم ورحمة الله ,, 

اول شي أقول ألف الحمدلله على سلامة بابا عبدالله بابا ياغالي 

<<شبكت بالاغنيه خخخ ,,
ونتمنى له دوام الصحه والعافيه يارب ,,
ثانيا شي ابارك للشعب السعودي اجازة يوم السبت ,,
لكن عندي بربره شوي عن هالاجازة اللي عباره عن يوم واحد
<< لطيفه ماتترك تعليقاتها حتى الاجازة ماسلمت منها   ,,
انا مابي اقول انها يوم وماتكفي لا اليوم نعمه ,,
لكن ابتكلم من ناحيه ثانيه ,,
هل الأجازه صارت المكافئه المحببه للشعب وتعبير عن فرحهم ؟؟؟
الاحظ الوزارات كل ماصارت مناسبه قالوا اجازه ,,
والشعب يطير من الفرح وتعالوا شوفو التبريكات
 واحيانا يطلع اشاعات ان فيه اجازه ,,
احس اذا قالو اجازه بمناسبة كذا .... كأنهم يقولون لنا ( ارقدوا بس ارقدوا )
الاجازة مكأفئة تزيد الخمول ,,


واذا الحكومه تحب الاجازات اجل كثروها الله لا يهينكم
خلوها اسبوع كان فيكم خير ,,
  ياحليل شركه stc اللي شفطت اموال الناس ,,
حطت الرسائل ومكالمات الفيديو مجانا من الاربعا حتى الجمعه ,,
يعني يالشعب السعودي الكريم
ارقدوا وانسدحوا على السرير وخلو الجوال بيدينكم تراسلون ,,
واذا مليتوا حطوا على العربيه وتابعوا اخبار العرب  ,,
وش بعد تبون ؟؟ مدلعين تراكم
شوفو غيركم تقتلهم حكومتهم ترا ,, 

كانت معكم 

منبع الطيبه

لطيفه بنت فهد 

مدونة الطيب مبداي 

19 _ 3 _ 1432 هـ 

(^_^)