الجمعة، 28 يناير 2011

{ حلاوة الذكرى ~

السلام عليكم ورحمة الله وبركاته ~ 


بعد ماعطلوا الابتدائي ,,
رحنا لمدرسة المتوسط والثنوي التابعه لنفس مدرستنا لكن بادراة منعزله ومبنى منعزل في مكان ثاني ,,
نراقب علي الطالبات ..
طبعا الموضوع كان اختياري اللي تبي تروح واللي ماتبي كيفها .. 

المهم ان المدرسه هي نفسها اللي درست فيها الثنوي ,, 
دخلتها وبدت الذكريات تنكب على مخيخي من كل جانب ,, 
في كل مكان فيه ذكريات حلوه ,, 
طبعا سنه ( اول وثاني ) ثنوي كانت اجمل مرحله في حياتي الدراسيه كلها ,,
كان فيه انواع السعة صدر والاستهبال ,, 
صورت بـ جوالي بعض من ساحات الخارجيه للمدرسة ,, (للذكرى ) 
مع اني احتفظ بصدري عشرات الذكريات في هالمكان ,,

http://dc12.arabsh.com/i/02603/wu393lewqdty.jpg


سريع الزمن
كيف كنا وكيف صرنا
وكيف تبدلت الأوظاع
أمس بنفس المكان تسلم لنا الاوراق
واليوم بنفس المكان نسلم لهم الاوراق
أمس ندور بساحه وضحكنا ماله حد
نصرخ ونط ولا همنا حد
والله أمس بنفس المكان هنا بالضبط
معي الكتاب واشق منه ورقه ورقه وباستهتار
واقول مع كل ورقه تنشق
( انجح .. ماانجح .. انجح .. مانجح )
وقتها ابد ماكان عندي هم
غير كيف اضحك الشله
وكيف نلعب هالمره 

http://dc12.arabsh.com/i/02603/y4zn9v7f5ep5.jpg

هنا والله تحدوني
ادور على المبني بدون جزمه
وقبلت والله التحدي
وخذيت الدوره بكل جرئه
أدور وحافيه رجلي
ورجعت وخبو الجزمه
اعرفك فلانه طليعها
مقلبك علي مايمشي 


http://dc12.arabsh.com/i/02603/rq443691rlir.jpg

.
انا والمكان اليوم نتشابه
جمعتنا الايام الدوراه
نفس المكان ماتغير
سوا الوان جدرانه
وانا حطيت شوي مكياج


انا اليوم وانا امس
 فيه شوية فرق
امس بالمريول وشعري قرن
واليوم بتنوره سوداء وصوت كعب

واكبر فرق
بيني اليوم و بيني أمس
أني اليوم أشيل الهم

http://dc08.arabsh.com/i/02603/pp4xz7xqwo84.jpg

^^^
هنا كنا نصف طابور ,,

http://dc08.arabsh.com/i/02603/uq7sc0kcs14i.jpg


( بوابة الخروج )

http://dc08.arabsh.com/i/02603/v3itgidnh5v4.jpg





وهنا عند بوابة الخروج
في آخر يوم
واخر سنه تجمعنا
وقفنا نبكي
وقفنا ندمع
وقفنا نرجي اللحظه
توقف بس لحظه
صحيح اللحظه ماطاعت
وقبل ترحل همست
.
.
( تكفيكم حلاوة الذكرى  )



بعثرت حروف من خاطر
لطيفه بنت فهد 
~ منبع الطيبه ~
صفر 1432 هـ 

هناك 6 تعليقات:

  1. يالله أحسني عشت اللحظه اللي وفقتي فيها للذكرى ..
    ماشاء الله مدارسكم متطوره مو مثلنا ..خخخ
    الله يعطيك العافيـه ويفرج همومك ..

    ردحذف
  2. الله يسلمك ويجزاك خير ,,
    سعيده بهالطله
    (^_^)

    ردحذف
  3. ذكرتيني بآخر يوم بثانوي ..
    كنت آخر من طلع من المدرسة ..
    أخاااف اشتاق لها ..
    لأن الشوق من أساسه صعععععب .. و جربته كثير
    بس بالنهاية الزمن كذه
    مثل ما فيه لقاء فيه وداع
    يعطيك العافية
    تقبلي مروري

    ردحذف
  4. يحليلك لطوف ^^"

    والمطر زاد الرومنسية حبتين .،

    ماشاء الله .،

    ردحذف